ناس زينا
من وقت للتاني بنحتاج لناس شبهنا..ناس زينا..وجود الناس دي في حياتنا بيفرق كتير..بص حواليك وشوف في حد شبهك في حياتك؟ صدقني لو مفيش فانت اكيد تعبان..لأن ده معناه ان محدش فاهمك ولا حاسس بيك..الناس اللي شبهك دول كنز..لأنهم بيفهموا المواضيع بنفس طريقتك..وبيقيموا الامور زيك تمام..المعايير بتاعتكم مشتركة..وبالتالي كل اللي بيدايقك بيضايقهم وكل اللي بيفرحك بيفرحهم..دور عليهم وحاول يكون عالاقل جمبك واحد منهم..صدقني حياتك في وجودهم اسهل كتير..وفي غيابهم ..بتبقى حتى في وطنك غريب.
تعليقات
إرسال تعليق