مدونــــة قـلــم مسافــــر

عن دمعه في عيونك انت بس اللي شايفها..عن وجع في قلبك انت بس اللي حاسه..عن كلمة خانقاك ومش قادر تقولها لمخلوق..عن غربه ..وكربه..غربه بيهونها ناس زي اخواتك..بس الكربه ملهاش غير ربنا..ربنا كريم

لما تضطر انك تحكم بين زوجين في مشكلة ياريت تكون مستمع جيد لكلا الطرفين،اي طرف فيهم بمجرد ما بيبدأ يتكلم اكيد هيجيلك صدمة وذهول من شخصية المشتكى منه،هتشك لوهله انك متعرفش الانسان ده ،وعشان كده لو سمعت من طرف واحد اكيد هتكون متحامل عالطرف التاني. كمان متحكمش بناءا على خلفية انت واخدها عن اي طرف منهم،ستات كتير بتظهر شيك ورقيقه بس هي في البيت شاويش،وكتير رجاله معروفين بخفة الدم واللباقه والكرم وهما في بيوتهم مصدر كآبة وغم . التحكيم بين الأزواج امانة وله اصول،بس للاسف مش كتير يعرفوها.

يالا ياحببتي معاد النوم لا يا ماما مش عايزه انام دلوقت ياحببتي مش كل يوم خناق وقت النوم يا ماما عشان خاطري معنديش نوم يابنتي الله يهديكي ادخلي نامي بتبدا عنيها تدمع وصوتها اتخنق من العياط وهي بتقول : يا ماما نفسي افهم انتي ليه عايزانا ننام واحنا مش عايزين،ليه يا ماما بتحبي النوم؟! ليه يا ماما بتحبي النوم..الجمله دي كانت كفيله انها تخلي الام تسرح وتفكر انا ليه بحب النوم..بتحبه عشان هو الحاجه الحلال الوحيده اللي بتخليها تغيب عن الوعي..وهي نايمه محدش هيطالبها بحاجه..كلهم نايمين فمش هتحس انها مقصره معاهم..مفيش حاجه هتدايقهاهتهرب من كل اللي مضايقها عشان تنام وتحلم.....مفيش قهر ولا اكتئاب..الاكتئاب اللي بيكون اول شعور بيبدا يحس بيه قلبها اول ما تفتح عنيها وتكتشف انها لسه على قيد الحياه.. يمامااااااااااا بقاااااااااا مش عايزين ننام،انطلقوا في بكاء جماعي اخرجها من شرودها ليه يا ماما بتحبي النوم ؟ السؤال اتكرر تاني،والمره دي سرحت في اجابه تانيه..لما كله بينام بتبقه متطمنه ان مفيش تليفون هييجي يستفزها..مالناس نايمه..محدش ههيبعتلها رساله تحرقلها دمها...مش مطلوب منها دلوقت...

المشهد الاول: الام والده جديد ونفسها ابنها ينام عشان تقدر تنام شويه،بس لما بيطول في النوم بتبصله بحب وتقوله اصحى بقه وحشتني نفسي اقعد معاك، هو مبيردش،اصله نايم. المشهد التاني: الابن عنده 5سنين وجاري ورا ممته وهي بتتكلم في التليفون او قاعده عاللاب او واقفه في المطبخ وهو بيبصلها باشتياق وبيقولها يا ماما نفسي اقعد معاكي،هي مبتردش،اصلها مشغوله المشهد الثالث: الابن في اولى كليه وممته قاعده مستنياه يرجع من كليته واول ما رجع بصتله بحنان وقالتله:حبيبي تعالي نفسي اقعد معاك تعالى احكيلي عملت ايه انهرده،بس هو قالها معلش لازم انزل،اصله رايح يلعب كورة مع صحابه. المشهد الرابع: الام قاعده سهرانه والقلق واكلها وابنها مش بيرد على موبايله،واول ما جه بصتله بلهفه وقالتله حبيبي كنت واعدني هتيجي بدري انهرده تقعد معايا شويه وكمان عدم ردك عالموبايل قلقني،رد قالها اصلي هدير /خطيبته/كلمتني وقالتلي تعالى عملالك مفاجئه عالسريع فرحت لقيتها هي ومامتها عاملين تورته وحفله صغيرة بمناسبة ان خطوبتنا عدى عليها 3شهور،وعملت الموبيل سايلنت عشان بيدايقوا لما بيرن وبيحسوا اني مش مركز معاهم،قالتله ...

لم تُخلق الانثى لتتحمل المسؤلية كاملة بمفردها بل جعل الله الزواج للتشاطر والتعاون،واعطى الرجل قوامة لعلمه جل وعلا بتفوقه في بعض الامور عن المرأة،افهموا هذا جيدا ،افهموه لترحموها،فلا تطلق الكلمات امامها في كل وقت ساخرا من عقلها وطريقة ادارتها للامور،ولا تنهي معها جدلا او نقاشا قائلا لها ناقصات عقل ودين وقد رضيت ان تتخلى عن دورك طواعية لهذه الناقصة،ولا تتبجح بقوامتك وفرض طاعتك عليها وانت اول من يدمر تلك القوامة بتخليك وتكاسلك عن مسؤلياتك،ولا تتعجب وقتها من ضياع انوثتها التي ضاعت في طلب رجولتك،وصدقوني..ستتحمل كثير..كثيرا جدا وفوق طاقتها..حتى اذا انفجرت فسيحجب ذلك الانفجار عقلها..وراحة بالك

احيانا تفضل تسمع حد بيتكلم..وتفضل تسمعه..وتسمعه..وانت من جواك تعبان ونفسك تقوله كفايه تبرير  وهري وقرف..بس من كتر تعبك مش قادر ترد عليه..فبتفضل تسمعه..وتسمعه..وخلاص هيفتكر انه غلبك في الكلام..او انك موافق..او ان ده احترام..انت بس اللي بتكون عارف وقتها انت ساكت ليه

في مثل عندنا في مصر بيقول لو طلع العيب من اهل العيب ميبقاش عيب واحد بالمنظر ده منتظرين منه ايه؟! واحد لا يملك من خفة الظل مثقال ذرة انحسرت عنه الأضواء من فترة فبدا يستجديها ببرامج سمجه تافهه،كلها ايحائات سخيفه واستظراف اسخف ملكوش حق تزعلوا منه،عارفين ليه؟ لان ولاد بلده اتقتلوا واتحرقوا واتقطعوا واعتقلوا واتسحلوا نساء واطفال وشيوخ وشباب ومفرقش معاه نهائي بالعكس،ايد قتلهم،وبالتالي اللي مفرقش معاه ولاد بلده وابناء دينه مش هيفرق معاه ابدا اي انسان تاني. أحمد ادم اتمسخر واستهزء باللي حصل في سوريا مش عشان هو مصري ،لأ اطلاقا ،احمد ادم اتمسخر على شهداء سوريا عشان هو حيوان مش عشان هو مصري.